Monday, November 12, 2018

Esplikasaun & Komprensaun Kona-ba STEAM

Steam nudar plataforma distribuisaun digital mak altamente famozu iha mundu game. Steam dezenvolvidu husi Valve Corporation. Kompania ne'e estabelesidu iha Kirkland, Washington, Estadu Unidus, fulan Novembro 1996. Steam oferese konteudu digital hanesan game, filme no software. No sertamente konteudu game mak altamente popular iha Steam.

Inisialmente, Steam nudar media distribuisaun digital bodik-ba game-game mak dezenvolvidu rasik husi kompania Valve hanesan Half-Life 2 no Counter Strike. Foin iha tinan 2005 dezenvolvedores no publisher game seluk komesa fa'an sira nian game atraves sistema Steam. Resentemente website https://steamspy.com publika dadus estatistika kona-ba Steam, ho relatoriu total game mak publikadu ona iha Steam tinan 2017 horseik total 7,672 game no rendas total $4,3 bilaun dolar amerikanu!

Steam favoresidu tamba konteudu game original mak oferesidu dalaruma ho presu mak baratu tebes. Alende favoresidu nudar plataforma distribuisaun digital, Steam mos fornese funsionalidades nudar media sosial bodik-ba gamers sira. Atualmente ho sistema Steam ita bele chatting ho kolega sira, partilia rezultadu progresu husi game mak ita halimar, no seluktan-seluktan.

Hanesan saida mak mensionadu ona iha leten, Steam nudar fatin para kompras game ou konteudu digital iha internet. Kompras iha Steam altamente fasil no seguru. Disponivel variu metodu pagamentu mak fornesidu, ho nune'e utilizador bele deside metodu pagamentu saida mak hakarak utilizadu wainhira hakarak kompras konteudu digital iha Steam refere. Hirak husi metodu pagamentus refere maka kartaun kreditu ou debitu ezemplu hanesan MasterCard no Visa, PayPal, no mos Steam Wallet.

Metodu pagamentu popular mak sempre utilizadu maka Steam Wallet. Bele dehan katak Steam Wallet nudar karteira digital mak utilizadu para transaksaun pagamentu virtual iha Steam. Diferente ho metodu pagamentus seluk, antes utiliza Steam Wallet para kompras, dahuluk ita tenki ense ou top-up uluk saldo Steam Wallet ho kartaun kreditu ou ho kodigu voucher mak bele ita sosa iha loja online ezemplu hanesan iha LidunGamers.com.

Ho metodu pagamentu mak oferesidu refere, ita ho fasil, lais no konfortavel bele sosa game foun no mos game famozu hanesan Rush, Squad, Counter Strike : Global Offensive, Assassin’s Creed: Origins, Team Fortress 2, Warframe, GTA V, PlayerUnknown's Battlegrounds (PUBG) no sei barak tan.

Plataforma Steam hanesan mak mensionadu ona iha inisiu, atualmente nafatin popular nudar opsaun kompras konteudu digital favoritu, no la eskizitu karik Gabe Newell, Chief Executive Office (CIO) kompania Valve, nudar propretariu Steam, atualmente kontenti ho rezultadu lukru mak sira hetan husi negosiu distribuisaun konteudu digital ne'e.

To'o iha ne'e lai esplikasaun no komprensaun kona-ba Steam. Esperadu informasaun iha leten bele sai hanesan referensia ba belun sira hotu.
Esplikasaun & Komprensaun Kona-ba STEAM Esplikasaun & Komprensaun Kona-ba STEAM Reviewed by Lidun Gamers on Monday, November 12, 2018 Rating: 5

No comments:

Post a Comment